Hesabu 10:1-33

¹BWANA alinena na Musa, akasema,

²“tengenza tarumbeta mbili za fedha. Uzitengeneze kwa kufua hizo fedha. Utazitumia hizo tarumbeta kwa kuwaita watu waje pamoja na kwa kuwaita watu wote wakati wa kuondoka kwenye kambi zao.

³Makuhani watapiga tarumbeta kwa ajili ya kuwaita watu wote mbele yako kwenye lango la hema ya kukutania.

⁴Kama makuhani watapiga tarumbeta moja tu, basi viongozi, vichwa koo za Israeli ndipo watakapokutana kwako.

⁵Utakapopiga tarumbeta ya sauti kuu, ile kambi ya upande wa mashariki itaanza kusafiri.

⁶Nawe utakapopiga tarumeta kwa sauti kuu mara ya pili, ile kambi ya upande wa kusini wataanza kusafiri. Watapiga tarumbeta kwa sauti kuu ili kuanza safari yao.

⁷Watu wote watakapokutana pamoja, piga hizo tarumbeta lakini si kwa sauti kuu.

⁸Wana wa Haruni, makuhani, watapiga hizo tarumbeta. Huu ndio utakaokuwa utaratibu wa watu wako kwa vizazi vyote.

⁹Nanyi mtakapoenda vitani katika ardhi yenu dhidi ya maadui wenu wanaowakandamiza, ndipo mtakapotoa ishara ya sauti ya tarumbeta. Mimi, BWANA Mungu wako nitawaita kuwakumbuka na kuwaokoa kutoka kwa maadui wenu.

¹⁰Pia, wakati wa kusherehekea, sikukuu zenu za kawaida na katika miandamo ya miezi, mtapiga tarumbeta zenu kwa heshima ya sadaka zenu za kuteketezwa na kwa sadaka zenu za amani. Huu utakuwa ukumbusho wenu kwangu, Mungu wenu. Mimi ndimi BWANA Mungu wenu.”

¹¹Katika siku ya ishrini, mwezi wa pili, mwaka wa pili, Lile wingu liliinuliwa toka masikani ya amri za maagano.

¹²Wana wa Israeli wakaendelea na safari yao toka jangwa la Sinai. Lile wingu likasimama kwenye jangwa la Parani.

¹³Walifanya safari yao ya kwanza, kufuatia amri ya BWANA iliyotolewa kupitia kwa Musa.

¹⁴Kambi ya mahali pa uzao wa Yuda iliondoka ya kanza, wakiondoa majeshi yao binafsi. Nashoni mwana wa Aminadabu ndiye aliyeongoza jeshi la Yuda.

¹⁵Nethaneli mwana wa Zuari aliongoza jeshi la kabila la uzao wa Isakari.

¹⁶Eliabu mwana wa Heloni aliongoza jeshi la kabila la Zabuloni.

¹⁷Uzao wa Gerishoni na Merari, ambao walitunza masikani, na kuanza kusafiri.

¹⁸Baadaye Walifuata jeshi la mahali pa kambi ya Reubeni walianza safari yao. Elizuri mwana wa Shedeuri alliongoza jeshi la Reubebni.

¹⁹Shelumieli mwana wa Zurishadai aliliongoza jeshi la kabila la uzao wa Simeoni.

²⁰Eliasafu mwana Deuli aliliongoza jeshi la kabila la uzao wa Gadi.

²¹Kabila la Kohathi nalo lilianza safari. Wao walibebba vyombo vya mahali patakatifu. Wengine waliisimamisha masikani kabla ya Wakohathi kufika kambi inayofuata.

²²Majeshi ya kabila la uzao wa Efraimu ndio waliofuata. Elishama mwana wa Amihudi ndiye aliyeongoza jeshi la Efraimu.

²³Gamalieli mwana wa Pedazuri aliongoza jeshi la uzao wa Manase.

²⁴Abidani mwana wa Gidioni aliongoza jeshi la uzao wa kabila la Benjamini.

²⁵Lile jeshi lililoweka kambi mahali pa bango la uzao wa Dani lilikuwa la mwisho kuondoka. Ahizeri mwana wa Amishadai ndiye aliyeongoza jeshi la Dani.

²⁶Pagieli mwana wa Okirani aliongoza jeshi la wana wa uzao wa Asheri.

²⁷Ahira mwana wa Enani aliongoza jeshi la uzao wa kabila ya Naftali.

²⁸Hivi ndivyo majeshi ya wana wa Israeli yalivyosafiri.

²⁹Musa alinena na Hobibu mwana wa Reueli wa Kabila la Midiani. Reueli alikuwa baba mke wa Musa. Musa akanena na Hobibu akasema, “Tunasafiri kuelekea mahali ambapo BWANA ametuahidi. BWANA alisema kuwa, “Nitawapeni ninyi hilo eneo, 'Njoni pamoja nasi na tutawatendea mema. BWANA ameahidi kuwafanyia mema Waisraeli.”

³⁰Lakini Hobibu akmwambia Musa, “Sitaambatana nanyi.”

³¹Naye Musa akamjibu, “Tafadhali msituache. Mnajua jinsi ilivyo kuweka kambi jangwani. Tunaomba mtujali.

³²Kama mtaambatana nasi tutawatendea mema sawa na jinsi BWANA anavyotutendea.”

³³Walisafiri kutoka mlima wa BWANA kwa siku tatu. Sanduku la agano la BWANA liliwatangulia kwa siku tatu ili kupata mahali pa kupumzika.