HEREVA LADA-ISIDIA 4:13-23

¹³Hahediba ba dogoa tao, basio kahua nege; ba gimaia, badina be ia na emu mauri.

¹⁴Kara dika taudia edia dala ai basio raka vareai, kara havara taudia edia dala ai basio raka;

¹⁵ena amo ba siri, basio rakalaia; ena amo ba raka oho, ba rakaia hanai.

¹⁶Badina be basie mahuta diba ela bona kara kerere tavada bae karaia; mahuta ai bae dabu ela bona tau ta vada bae hahekwakwanaia.

¹⁷Badina be e aniamu ḡauna na kara dika, bona e inuamu ḡauna na daḡedaḡe.

¹⁸A kara maoromaoro taudia edia dala na daba matana na heto; diarina na e bada e laomu ela bona dina e taramu.

¹⁹Kara dika taudia edia dala na dibura masemase na heto, asi dibadia dahaka ḡau ai e hetutuhimu.

²⁰Natugu e, egu hereva ba hakede henidia; taiamu a hakala, egu hereva ba kamonai.

²¹Oi vairamu amo basie boio, oi lalomu ai ba baladia heni.

²²Badina be idia na mauri, e davaridiamu tauna enai; idia na ia hidiona idoinai ihamaurina.

²³Lalomu ba gimaia tarika-tarika, badina be iena amo mauri e lohilohiamu.