Text copied!
CopyCompare
Buk Baibel long tokples Motu - HEREVA LADA-ISIDIA - HEREVA LADA-ISIDIA 29

HEREVA LADA-ISIDIA 29:5-18

Help us?
Click on verse(s) to share them!
5Dekena tauna e hanamoa koikoimu tauna ese huo e otoamu, ia sibona ihatoalaina.
6Kara dika tauna na ena kara dika ese e idoaiamu, a kara maoromaoro tauna na ane e abimu bona e moale hisi daemu.
7Kara maoromaoro tauna na ogoḡami taudia ahudia korikori mai dibana, a kara dika tauna na lalo-parara unuhetomana asi dibana.
8Heḡonaḡonalai taudia ese hanua e ha-araiamu, a aonega taudia ese badu e laoa ahumu.
9Aonega tauna na kavakava tauna ida bema hepapahuahu negana ai, kavakava tauna na e badumu bona e kirimu mo, a asie mainomu.
10Rara ihahebubuna e uramu taudia ese asi ena kerere tauna e inai heniamu, a kara maoromaoro taudia ese ia ihamaurina dalana e tahuamu.
11Kavakava tauna ese ena badu e halasiamu, a aonega tauna na badu ai e haheaukamu.
12Pavapava ese hereva koikoidia bema abidia dae negana ai, ia henuna taudia iboudiai na bae kara dika.
13Ogoḡami tauna bona ia e hahisiamu tauna raruosi e hevaira hehenimu, bena Iehova ese raruosi matadia e hadiaridiamu.
14Pavapava ese ogoḡami taudia bema hahemaoro henidia mai maoromaorona ida; ena terono baine gini hanaihanai.
15Hekwadi auna bona sisiba herevadia ese aonega e havaraiamu, a sibona ena ura e karamu merona ese sinana e hahemaraiamu.
16Kara dika taudia e lohiamu negadia ai na kara havara e bada e laomu, a kara maoromaoro taudia ese edia moru bae itaia.
17Natumu matana ba hakania, bena ia ese laḡa-ani baine henimu, bona lalomu do baine hamoalea.
18Lalo-diari lasi negana ai, taunimanima e kara havaramu, a taravatu e badinaiamu tauna na namo.

Read HEREVA LADA-ISIDIA 29HEREVA LADA-ISIDIA 29
Compare HEREVA LADA-ISIDIA 29:5-18HEREVA LADA-ISIDIA 29:5-18