HEREVA LADA-ISIDIA 25:10-23

¹⁰emu hereva baine kamonai tauna ese baine hahemaraimu bona harimu dikana basine doko na garina.

¹¹Hereva maorona ig vauraina na gold apolodia silver boseadia lalodiai na heheto;

¹²sisiba tauna mai aonegana ena hereva taia kirara tauna enai e gwauraiamu na gold gadeina eiava gold heraherana ta na heto.

¹³E siaia taudia ediai gwaukau tauna namona na ninoa parakana taboro negana ai na heto; ia ese biagudia lalodia e hamatamatadiamu.

¹⁴Se henimu herahiana e heaḡilaiamu tauna na ori bona lai asi medudia na heheto.

¹⁵Haheauka ese lohia lalona baine ania, bona mala manadana ese turia baine hakwaidua.

¹⁶Bada-ranuna boma davaria, dodinai boma ania, ianina ai lalomu baine aru bena ba mumuta na garina.

¹⁷Dekemu tauna ena ruma ai basio dae kau momo, baine hesiku bena baine inai henimu na garina.

¹⁸Dekena tauna e habadelaia koikoimu tauna na gahi eiava dare eiava diba mai matana na heto.

¹⁹Hekwakwanai negana ai koikoi tauna iabidadama-henina na isi e hisihisimu eiava ae e dedimu na heto.

²⁰Lalo-metau tauna enai ane e abimu tauna na keru dinana ai hahedoki e doki ohomu tauna na heto, eiava heḡara muramurana bero ai na heto.

²¹Inaimu bema hitolo, ana boma henia, bona ranu bema masea, ranu boma henia;

²²badina be unu amo lahi gidadia na kwarana ai ba senu kau, bena Iehova ese davamu baine henimu.

²³Lahara ese medu e mailaiamu, bona udu mauri ese vaira hua e havaraiamu.