HEREVA LADA-ISIDIA 25:1-8

¹Ini danu na Solomon ena hereva lada-isidia haida, Hesekia, Iuda pavapavana, ena orea taudia ese e tore hanai.

²Dirava hairaina na ḡau ihunidia ai, a pavapava hairaidia na ḡau anidia itahudia ai.

³Guba na atai ai e daemu bona tanobada na dobu gabudia ai e dihomu heḡereḡeredia, pavapava lalodia na basita tahudia diba.

⁴Miro na e havevea silver-na amo ba kakaroa oho, bena silver iḡaukaralaina tauna na kehere ta baine karaia diba;

⁵kara dika taudia na pavapva vairana amo bavabidia oho, bena ena terono na kara maoromaoro ai baine hedai.

⁶Pavapava vairanai basio hekokoroku, eiava lohia ida basio gini bou;

⁷badina be bae hamaoromu, baeto “Ini a dae mai”, be namo, a pavapava vairanai henu bae siaimu lao na dika. Matamu vada e ita karadia na

⁸hahemaoro gabuna ai basio vareailai haraḡa; badina be dokona ai ede ba kara toma, dekemu tauna ese baine hahemaraimu negana ai?