HEREVA LADA-ISIDIA 22:18-28

¹⁸badina be lalomu ai ba dogodia tao, bona bibinamu ai bavabidia hata, una na moale ḡauna.

¹⁹Hari dina ai oi vada na hadibalaimumu, Iehova bavabidadama henia helaoreana.

²⁰Sisiba bona lalo-parara herevadia toi-ahui vada na tore henimu ani,

²¹kara maoromaoro bona kara momokani ihadibalaimu totona, bona haere maorona na e siaimu taudia ba henidia helaoreana?

²²Ogoḡami tauna basio dadia, badina be ia na ogoḡami; hisi e animu taudia na hahemaoro gabuna ai basio taodia tao;

²³badina be Iehova ese edia gini-kau gabuna ai baine durudia, bona edia kohu e dadi ohomu taudia na edia mauri baine dadi oho.

²⁴Badu haraḡa tauna ida basio hetura, bona badu ḡaraḡara tauna ida basiola;

²⁵ena dala ba manadalaidia, bona sibomu idoa ai ba heidoa na garina.

²⁶Tau ta dainai e gwau hamatamu tauna ai basiola, bona ta ena abitorehai toana basio heni.

²⁷Idavalaina monina ai boma dabu negana ai emu mahuta patana na henumu amo bema heabi oho, namona be dahaka?

²⁸Tano hetoana gunana, senemu ese e holoa ḡauna, basio raḡaia oho.