HEREVA LADA-ISIDIA 17:23-28

²³Kara dika tauna ese koikoi henitaona e abia hehunimu, hahemaoro ihagagevana totona.

²⁴Lalo-parara tauna ese aonega e haḡereamu, a kavakava tauna ese tanobada dokodia e roha henia laomu.

²⁵Kavakava merona ese tamana lalona e hahisihisiamu, bona e havaraia hahinena lalona e hadikaiamu.

²⁶Kara maoromaoro tauna matana ihakanina na dia namo; lalo-ihunu taudia bae dadabadia na dika.

²⁷Se hereva momomu tauna na mai aonegana; se badu-haraḡamu tauna na mai ena lalo-parara.

²⁸Kavakava tauna basine hereva negana ai, bae laloa ia na aonega tauna; uduna baine hakapua negana ai, baeto ia na lalo-parara tauna.