HEREVA LADA-ISIDIA 16:20-31

²⁰Hereva e kamonaimu tauna ena namo baine bada; Iehova e abidadama heniamu tauna na e moalemu.

²¹Lalona e aonegamu tauna na lalo-parara tauna e gwauraiamu, bona hereva namodia ese lalo-ani e habadaiamu.

²²Aonega na e lohilohiamu maurina, aonega tauna enai; a kavakava na mata-hakani ḡauna, kavakava taudia ediai.

²³Aonega tauna lalona ese ena hereva e hamaoromaorodiamu, bona bibinana na lalo-ani herevadia e hadibadiamu.

²⁴Hereva manadadia na bada-ranuna na heto; gaihona na lauma enai, bona goadana na tau-anina enai.

²⁵Tau ta ese dala ta baine haeroa, dala namona na heto; a ḡau be dokona na mase dalana.

²⁶Ḡaukara tauna na bogana helaoreana e ḡaukara goadamu; ia uduna ese e ha-uraiamu.

²⁷Bonegita tauna ese kara dika e laloa hatamu; ena hereva na lahi ḡaraḡara na heto.

²⁸Lalo gageva-gageva tauna ese heiri-heiri e havaraia rohorohomu; hemaunu tauna ese e hetura hehenimu taudia na e hapararadiamu.

²⁹Daḡedaḡe tauna ese ia dekena tauna e koiamu, bona dala dia namo ai e hakauamu.

³⁰Matana e hakunumaiamu tauna ese kara gageva-gagevadia e lalo hatamu; bibinana e hakapumu tauna ese kara dika e havaraiamu.

³¹Hui buruka na havava ḡauna mai hairaina; noho maoromaoro dainai e varamu.