HEREVA LADA-ISIDIA 15:1-17

¹Haere manauna ese badu e laoa ahumu, a gwau turianki ese badu e havaraiamu.

²Aonega tauna malana amo aonega herevadia na e hetuturumu, a kavakava taudia ududia amo kavakava herevadia na e aru lasimu.

³Iehova matana ese gabu iboudiai e nenediamu, dika taudia bona namo taudia e itadia taomu.

⁴Mala manadana na mauri auna ta, a mala gageva-gagevana ese dara doko e havaraiamu.

⁵Kavakava tauna ese tamana ena hahediba e dadaraiamu, a sisiba herevadia e hakala henidiamu tauna na lalo-parara tauna.

⁶Kara maoromaoro tauna ena ruma ai na kohu momo, a kara dika tauna ena davari-davari ḡaudia ese ena hekwakwanai e havaraiamu.

⁷Aonega na aonega taudia bibinadia ese e piuamu, a kavakava taudia lalodia na unu asie kara tomamu.

⁸Kara dika tauna ena boubou ḡauna na Iehova ese e ihi-ihiraiamu, a kara maoromaoro tauna ena ḡuriḡuri na ia ese e moalelaiamu.

⁹Kara dika tauna ena dala na Iehova ese e ihi-ihiraiamu, a kara maoromaoro e ḡavaiamu tauna na ia ese e lalokau heniamu,

¹⁰Mata-hakani auka-hereana na dala e rakataniamu tauna enai; sisiba e inai heniamu tauna na baine mase.

¹¹Mase gabuna bona dobu masemase gabuna na hehedina-rarai, Iehova vairanai; matona, taunimanima lalodia na ienai eme hedinarai ḡuḡuru.

¹²Ḡonaḡona tauna na se uramu bae sisiba henia; ia na aonega tawla dekena basinela.

¹³Lalo moale na vaira namo ai e hedinaraimu, a lalo hisihisi ese dara doko e havaraiamu.

¹⁴Lalo-parara tauna lalona ese aonega e tahuamu, a kavakava taudia ududia ese kavakava e aniamu.

¹⁵Hisi e animu tauna ena mauri dinadia iboudiai na didika, a lalo-moale tauna na bogana e kunu hanaihanaimu.

¹⁶Ḡau maraḡi-maraḡina Iehova igari-henina ida ese taḡa badana mai hekwakwanaina ida e hereaiamu.

¹⁷Aniani asi ianimaina lalokau e miamu gabuna ai ese vamu manoka-manokana heinai-hehenina ai e animu na e hereaiamu.