HEREVA LADA-ISIDIA 14:16-24

¹⁶Aonega tauna na sibona nahuana e tohoamu, bona kara dika amo e raka sirimu; a kavakava tauna ese haheauka e negeamu, bona e mata lahuimu.

¹⁷Badu haraḡa tauna na e kara kava kara kavamu, a mai darana tauna na e haheaukamu.

¹⁸Lalo-duhu taudia ahudia na kavakava, a lalo-parara taudia kwaradia na aonega ai e havavalaidiamu.

¹⁹Kara dika taudia ese kara namo taudia vairadiai e igo dihomu; bona kara havara taudia danu, kara maoromaoro taudia ikoukou ai.

²⁰Ogoḡami tauna na ia dekena tauna ese danu se ura heniamu, a taḡa tauna turana na hutuma.

²¹Ia dekena tauna e dadaraiamu tauna na tau dikana, a ogoḡami taudia e bogadia hisimu tauna na e moalemu.

²²Kara dika e lalo hatamu taudia na kekerere ani? Kara namo e lalo hatamu taudia ese hebogahisi bona heabidadama bae davari.

²³Hekwarahi iboudiai na mai ahudia, a hereva kava ese dabu e havaraiamu.

²⁴Aonega na aonega taudia kwaradia ivavalaidia ḡauna, a kavakava na kavakava taudia ihaheralaidia ḡauna.