HEREVA LADA-ISIDIA 14:1-32

¹Aonega ese ena ruma e haginiamu, a kavakava ese sibona imana amo e veria garimu.

²Kara maoromaoro ai e rakamu tauna ese Iehova garina egarimu, a e raka gageva-gagevamu tauna ese e dadaraiamu.

³Kavakava tauna ena hereva na ia sibona doruna ikwadilaina auna, a aonega taudia bibinadia ese bae hamauridia.

⁴Asi boromakauna gabuna ai, roge na asi anina; a boromakau maruanena ena goada ese uma anidia e hahohodiamu.

⁵Sivarai momokanina e gwauraia hedinaraimu tauna na se koikoimu, a sivarai koikoina e gwauraia hedinaraimu tauna na e koikoi momomu.

⁶Ḡonaḡona tauna ese aonega e tahua kavamu, a lalo-parara tauna enai aonega idavarina na haraḡa.

⁷Kavakava tauna vairana amo ba raka oho, badina be unuseni ai aonega herevadia basio davaridia.

⁸Lalo-parara tauna ena aonega ese ena dala e hahedinarai heniamu, a kavakava taudia edia kavakava na e hekoimu.

⁹Dirava ese kara dika taudia e dadaraidiamu, a kara maoromaoro taudia ese ena lalo-namo e moalelaiamu.

¹⁰Lalo sibona ese ena idita mamina e dibaiamu, bona idau tauna ta na ia ida basie moale hebou.

¹¹Kara dika tauna ena ruma baine heḡiḡi dobi, a kara maoromaoro tauna ena kalaga baine namo bada.

¹²Tau ta vairanai dala ita-itana na maoro, a dokona na mase e lao heniamu dalana.

¹³Kiri lalonai tau ta lalona e hisihisimu, bona moale dokona na lalo-hisihisi.

¹⁴Raka-muri tauna na sibona ena kara hualIuadia amo bogana baine kunu, bona tau namona na ena kara huahuadia amo danu.

¹⁵Lalo-duhu tauna ese hereva iboudiai e abi daemu, alalo-parara tauna ese e rakalaiamu dalana na e raraia taomu.

¹⁶Aonega tauna na sibona nahuana e tohoamu, bona kara dika amo e raka sirimu; a kavakava tauna ese haheauka e negeamu, bona e mata lahuimu.

¹⁷Badu haraḡa tauna na e kara kava kara kavamu, a mai darana tauna na e haheaukamu.

¹⁸Lalo-duhu taudia ahudia na kavakava, a lalo-parara taudia kwaradia na aonega ai e havavalaidiamu.

¹⁹Kara dika taudia ese kara namo taudia vairadiai e igo dihomu; bona kara havara taudia danu, kara maoromaoro taudia ikoukou ai.

²⁰Ogoḡami tauna na ia dekena tauna ese danu se ura heniamu, a taḡa tauna turana na hutuma.

²¹Ia dekena tauna e dadaraiamu tauna na tau dikana, a ogoḡami taudia e bogadia hisimu tauna na e moalemu.

²²Kara dika e lalo hatamu taudia na kekerere ani? Kara namo e lalo hatamu taudia ese hebogahisi bona heabidadama bae davari.

²³Hekwarahi iboudiai na mai ahudia, a hereva kava ese dabu e havaraiamu.

²⁴Aonega na aonega taudia kwaradia ivavalaidia ḡauna, a kavakava na kavakava taudia ihaheralaidia ḡauna.

²⁵Hereva momokani e gwaurai hedinaraimu tauna ese mauri e havaraiamu, a hereva koikoi e gwauraimu tauna na tao-tore tauna.

²⁶Iehova igari-henina ese kamonai lava-dae e havaraiamu; bona kamonai lava-dae tauna natuna ese roho-mauri gabuna baedavaria.

²⁷Iehova igari-henina na e lohilohimu maurina; unu amo masc ena idoa ai basita kau.

²⁸Taunimanima hutuma na pavapava hairaina, a lohia asi ena orea taudia na vada e baia.

²⁹Ena badu e halahemu tauna na lalo-parara hereana tauna, a badu haraḡa tauna cse kavakava e habadaiamu.

³⁰Lalo-manau ese tau-anina e hamauriamu, a vaḡeḡe ese turia e hamanokaiamu.

³¹Ogoḡami tauna e hahisiamu tauna ese ia ikarana Diravana e ḡonaḡonalaiamu, a dabu tauna e bogaia hisimu tauna ese Dirava e matauraiamu.

³²Kara dika tauna na ena kara dika ese e hahekwakwanaiamu, a kara maoromaoro tauna na ena lalo-maoromaoro ese baineharohoa mauri.