Text copied!
CopyCompare
Buk Baibel long tokples Motu - HEREVA LADA-ISIDIA - HEREVA LADA-ISIDIA 13

HEREVA LADA-ISIDIA 13:6-16

Help us?
Click on verse(s) to share them!
6Kara maoromaoro ese dala maoromaorona ai e rakamu tauna e gimaiamu, a dika ese kara dika tauna e hadarereamu.
7Tau ta sibona taḡa tauna e hegwauraimu, to asi ena ḡau ta; ma ta sibona ogoḡami tauna e hegwauraimu, to ena taḡa na bada.
8Tau ta ena mauri ibodohilaina na ena taḡa, a ogoḡami tauna na asi ena mauri ibodohilaina ḡauna.
9Kara maoromaoro tauna diarina na mai moalena, a kara dika tauna lamepana na baine bodo.
10Se henahua tohomu tauna ena ḡadeḡade ese heiri-heiri e havaraiamu, a aonega na sisiba e abia daemu taudia ediai.
11E abi kava kohudia na bae ore haraḡa-haraḡa, a ena kohu taidia taidia amo e haboumu tauna ese ena taḡa baine habadaia.
12Helaro mai halahena ese lalo-hisihisi e havaraiamu, a e haḡuḡurua urana na mauri auna.
13Hereva e dadaraiamu tauna na sibona e hahedikamu, a haheḡani e matauraiamu tauna ese davana baine abia.
14Aonega tauna ena hahediba herevadia na e lohilohia dae maurina, mase ena idoa ai basita kau helaoreana.
15Lalo-parara ese lalo-namo e havaraiamu, a asi edia heabidadama taudia edia dala na e dika vaitanimu.
16Lalo-parara tauna ese ḡau iboudiai mai aonegana ida e karamu, a kavakava tauna ese ena kavakava e heaḡilaiamu.

Read HEREVA LADA-ISIDIA 13HEREVA LADA-ISIDIA 13
Compare HEREVA LADA-ISIDIA 13:6-16HEREVA LADA-ISIDIA 13:6-16