Hechos 9:4-12

⁴Ijkuakó n Saulo owetsito ixko tlali, iwa okikak se tlájtoli non okiliaya: —Saulo, Saulo, ¿tleka techtotojtokatinemi?

⁵Ijkuakó Saulo otlájtlanki: —¿Akin tejwatsi Noteko? Ye okijto: —Ne Ni Jesús, tleka techtotojtoka.

⁶Ximoketsa iwa xikalaki kan altepetl. Ompa mitsiliskeh tlan tikchiwas.

⁷N tlakah non oyayah iwan Saulo, satlawel omomojtijkeh ken okikakeh n tlájtoli pero amaka okitakeh.

⁸Sa okikewaltijkeh n Saulo, pero ijkuak okintlapo ixtololowah mach ok otláchixki. Yika, sa okimatilantiayah iwa okiwikakeh Damasco.

⁹Eyi tonati amo otlachiaya, amitla okikua nion amitla okonik.

¹⁰Ompa kan altepetl de Damasco ochantitoka se tlakatl non itoka Ananías non okineltokaya Toteko Jesús. N Toteko okimonextili iwa okili: —¡Ananías! Ye okinankili: —Nika nika, Noteko.

¹¹Ijkuakó n Toteko okili: —Ximoketsa iwa xio kan ojtli non kiliah Milaktik, iwa ijkuak tiajsiti icha n Judas xitlajtlani kox ompa kajki se tlakatl de Tarso non itoka Saulo. Ye ompa motiotsajtsilijtok,

¹²ye okimonextili se tlakatl non itoka Ananías, okitak non tlakatl okalakia kan ye kajki iwa ipa okintlaliaya imawah para oksepa matlachia.