Text copied!
CopyCompare
Kukwe kuin ngöbökwe - Hechos - Hechos 9

Hechos 9:19-23

Help us?
Click on verse(s) to share them!
19Yebti Saulokwe mröbare mda amne namaninta dite ngrabare. Nebti Saulokwe nünabare bä jötrö mda juta Damascote nitre tödekaka Jesubtibe.
20Ye btäräbe sinagoga käntikänti Saulo nikani niere krörö: Jesu abra Ngöbö Odei era metre, nikani niere.
21Yebtä abko nitre Saulo kukwei nuaka nuaka ñan töi namani krütare btä, kä namani niere: Nitre tödekaka Jesubti, jiebti ni noko nämane näin kisere Jerusalén yete. Erere arato, niara jatani nete nitre tödekaka Jesubti kaen ngite ngwiankäre nebebe Jerusalén biandre nitre blitaka Ngöböbe ni mda mda diäre ye dänkientreye kitakäre ngite. ¿Se ño abko tä blite kore mtare se? ni jökrä namani niere kore.
22Akwa Saulo abko namani blite bäri ja dibti amne, Jesu abko Ni Dianinkä Ngöbökwe bkänä abko Saulo namani bä mike metre jökrä. Yebtä abko, nitre israelita nämane nüne Damasco käkwe dre niedre Jesubtä Sauloye abko ñan namani nüke gare ietre.
23Abti kä nikanina raire ta angwane, batibe nitre israelita käkwe ja töi diani kwärikwäri Saulo kämikakäre.

Read Hechos 9Hechos 9
Compare Hechos 9:19-23Hechos 9:19-23