Hechos 7:38-44

³⁸Chay Moisestam Sinaí jircachru ángel rimapara. Chaytam Moisesga jäpag pampachru rimapara awillunchicunata Dios munangannuy ali cawapäcunanpag.

³⁹Nätan awillunchicunaga manam munapäcurachu pay ningan rurayta, antis paycunaga Egiptoman cuticuylatam munapäcura.

⁴⁰Chaymi Moisespa wauguen Aaronta cay nipäcura: ‘Dioscunata ruraparcämay naupäcunata aywananpag. Egiptopita jorgamagninchi Moisesga illacaruntag manam musyanchichu ima pasangantas’.

⁴¹Chaura niptinmi rurarärira örupita juc becërruta. Jinarcurmi uywacunata wanurcachir rupachipäcura chay diosnincunapag. Chaypitam cushisha fiestata rurapäcura cay nir: ‘Cay ruranganchi diosninchiga maquinchiwan ruracunganchim’ nir.

⁴²Chaura ‘Diosga munanganta rurapäcuy’ nirmi, castanchicunata dëjarura. Chaymi alawapäcura goyllarcunatas. Chaynuy rurar paycunaga rurapäcura Diospa willacugnincuna unay isquirbingannuymi. Diosga isquirbichira cay nirmi: ‘Israel castacuna, gamcunaga manam nogapag ofrendaycunata apapäcamaraychu ni uywaycunata wanurcachirsi rupachipäcuraychu, chay chruscu chrunca watantin wac jäpag pampachru capäcur.

⁴³Antis gamcunaga purichipäcuray Moloc jutiyog diostam wayintinta, nätan Refán jutiyog diosniquicunapa goyllarnintam. Chaycunata quiquiquicunam rurapäcuray, Diosta yupaysi alawapäcunaypag. Chaymi gamcunaga wac caru Babilonia nación wacläninman aywachisha capäcunqui’ nir.

⁴⁴Chay jäpag pampachru unay castanchicuna capäcur Diosninchipa wayin nipäcura garapita jatun toldu rurashatam. Nätan Moisesmi chayta rurara ‘Cay ricayangaynuytam ruranqui’ Dios ningannuylam.