HECHOS 2:9-14

⁹Nee ndxin men-Partia, men-Media, men-Elam, men-Mesopotamia, men-Judea, men-Capadocia, men-Ponto, men-Asia,

¹⁰men-Frigia, men-Panfilia, men-Egipto, no le men-Libia ne nak guex Cirene, no le men-Roma. Gwrol ménree nak men-Israel axtegue ne wal men. Gwrol zeg men gyed wlaleedx Dëdyuzh zegne rlaleedx men-Israel Dëdyuzh.

¹¹No ndxin ke men-Creta no le men-Arabia. ¡Per yrandxee be ron be rzëët men kon xdiiz be yra gyelenzoon ne rlaa Dëdyuzh!

¹²Kesentyent wzee wzak yrandxee mén guin axtegue nandet men pe wuu lextoo men, lex wnabdizlsaa men, re men: ―¿Goxleg rna yra neree?

¹³Per nuu men lel wzhidxno, re men: ―¡Rzudxen yra ménree!

¹⁴Lex wzuli Bëd tese yra Bëd schibteb poxter, ndípse wnii Bëd, re Bëd: ―Men-Israel no le yra mén ne nuu Jerusalén, gugaknan neree yra de no wen wenendxee gugon logne yna noo lo de.