Hechos 2:7-10

⁷Ntseeb psee meñ, xñee meñ lo xcombañer: —¿Pe lëdy nonsyke meñ Galilea nayak nak kchë meñ nii nchenee?

⁸¿Xa mod nak busy, nii xtsyon no xñee kchë meñ gue xtiitsë no?

⁹Nche meñ Partia nu, ni meñ Media, ni meñ Elam, ni meñ Mesopotamia, ni meñ Judea, ni meñ Capodocia, ni meñ Ponto, ni meñ nii sëëd nëz Asia,

¹⁰ni meñ Frigia, ni meñ Panfilia, ni meñ Egipto, ni meñ Libia nii ncheno kexka Cirene, ni meñ Roma. No pxosy meñ go nak xaa Israel, no gaa meñ go kwsëëb xlad meñ Israel xmod.