Text copied!
CopyCompare
Júu ʼmɨ́ɨ e cacuo fidiée - Hechos - Hechos 2

Hechos 2:37-38

Help us?
Click on verse(s) to share them!
37Jo̱ mɨ˜ canúuˉ jaléngꞌˋ i̱ dseaˋ i̱ sɨseángꞌˊ do e júuˆ quiáꞌˉ i̱ Tʉ́ˆ Simón do, dsíngꞌˉ calɨ́iñˉ fɨꞌíˆ. Jo̱baꞌ cajmɨngɨ́ꞌrˉ i̱ Tʉ́ˆ Simón do có̱o̱ꞌ˜guɨ i̱ dseaˋ apóoˆ caguiaangˉguɨ do jo̱ cajíñꞌˉ casɨ́ꞌˉreiñꞌ: —Dseaˋ rúꞌˋuuꞌ, ¿e˜ mɨ́ɨˊ seaˋ uii˜ quiáꞌˉ jaléꞌˋ dseeˉ e nɨcaꞌeeˉnaaꞌ?
38Jo̱ cañíiˋ Tʉ́ˆ Simón quiáꞌˉ jaléngꞌˋ i̱ dseaˋ do jo̱ cajíñꞌˉ: —ꞌNéˉ quɨ́ꞌˉ jíingꞌˇ yaang˜naꞌ fɨˊ quiniˇ Fidiéeˇ, jo̱guɨ nisángˋnaꞌ jmɨɨˋ lajaangˋ lajaangˋnaꞌ laco̱ꞌ cuøˊ li˜ e nɨlɨ́ɨngˊnaꞌ dseaˋ quiáꞌˉ Dseaˋ Jmáangˉ, jo̱ lajo̱baꞌ niꞌíingˉ Fidiéeˇ jaléꞌˋ dseeˉ quíiˆnaꞌ, jo̱guɨ nicuǿꞌrˉ ꞌnʉ́ꞌˋ Jmɨguíˋ quiáꞌrˉ cajo̱.

Read Hechos 2Hechos 2
Compare Hechos 2:37-38Hechos 2:37-38