Text copied!
CopyCompare
Itlajtol Totajtsi Dios - Hechos - Hechos 2

Hechos 2:13-24

Help us?
Click on verse(s) to share them!
13Pero oksikimeh san otepijpinawiayah, iwa okijtoayah: —¡Ninteh tlakah wintitokeh!
14Ijkuakó Pedro omóketski iwa n májtlakteh iwa n se tlatematiltijkeh, iwa chikawak opé tlajtoa: —Judíos iwa nochteh akimeh nonchanchijtokeh nika Jerusalén, xikmatikah nochi ni, iwa kuali xikkakikah tlan nomechilis.
15Ninteh tlakah amo wintitokeh kemi nomejwah nonkimoliah, porke wel ok kualka, sikin las nueve de kuinal.
16Porke nochi tlan axa panotok, ye noni tlan yowejka okijto n profeta Joel:
17N Totajtsi Dios kijtoa: Itech sa iksemi tonatijmeh, niktitlanis no Espíritu itech nochteh n tlaltikpaktlakah. Nomopilwah iwa nomochpochwah kijtoskeh tlan tlamochiwas satepa. Nomotelpochwah kinmitaskeh neskayolteh iwa n tetajtsitsinteh tejtemikiskeh.
18Itech nekateh tonatijmeh niktitlanis no Espíritu itech n tlakah iwa siwameh akimeh tekiti nonawak, iwa tetlapowiskeh tlan satepa tlamochiwas.
19Tlakpak kan ilwikak iwa tlatsintla itech tlaltíkpaktli: nikinteititis neskayolteh, estli, tletl iwa méxpoktli.
20N tonati ayakmó tlawis, iwa n metsi chichilewis kemi estli, achto de maajsiki itonati n Toteko, non tonati yetos weyi iwa mawistik.
21Iwa nochteh akimeh kitenewaskeh Itoka n Toteko, Ye kinmakixtis.
22'Tlakah de Israel, xikkakikah tlan nomechilis: Jesús de Nazaret, Dios okipéjpenki. Nomejwah kuali nonkimatokeh, porke Dios okimák weletílistli para makinchiwa wejweyi neskayolteh nomoixpa, kemi nomejwah kuali nonkimatokeh.
23Pero nomejwah ononkikitskijkeh iwa ononkitemaktijkeh inmak tlakah tlajtlakolejkeh, iwa yejwah okimiktijkeh ipan krus, ijkó kemi Dios yokimatia iwa okimonekilti ijkó mamochiwa.
24Pero Totajtsi Dios okiyoliti. Ye okitekixtili imak n mikílistli, porke n mikílistli mach owéletki okítlanki.

Read Hechos 2Hechos 2
Compare Hechos 2:13-24Hechos 2:13-24