Hechos 2:1-8

¹Fiesta de Pentecostés mose que Jesús ɨcuasa chɨ ja ñumunua nda. Hue mɨɨ ngue echɨ ja ñumunua nda.

²Ibei rieu que embuate ra. Ama ndieu raanguia. Tuchua mbieu tuchɨ Jesús ɨcuasa je.

³Tata rendi raanguia que tu nguichi eãquĩ ndes e ra. Jesús ɨcuasa ãquĩ ja rese.

⁴Espíritu Turã ngue ɨque tuchɨ hue jenda chɨangui re ra. Ɨque ja que Jesús ɨcuasa chɨangui re ra. Mbia que echeẽ ata mo saã saã cote ra. Echeẽ uchɨanuã ngue esaã saã nda. Espíritu Turã nguia rei embucheẽ echeemo. Mbia cheẽ mbuae jaaja que cote ra.

⁵Aque mose que judíos tubɨrɨã nyɨ Jerusalén nda. Ɨshonda tubɨrɨã nyɨ huee. Mangue chooñoa jenda ja chõ chɨ nguiã huee. Ũquɨ̃ ndei Dios cheẽ mumbasa reã judíos ataque rã sɨ.

⁶Ibei rieu andu mose que ũquɨ̃ ngaẽ uchã nda. Nyuruɨra tuchɨ eandu. Jesús resenda mbia cheẽ mbuae saã saã ja chõchɨ̃ nguiã u. Espíritu Turã ño ngue embucheẽ nguiã. Mbiamo ñee ɨcuasa reã ndaque. Mbia que ucheẽ ñandu ñandu ja u ra. Jesús ɨcuasa ñee mose. Nyebe que mbia chɨ nguiã nyuruɨra eandu.

⁷Mbia nyuruɨra ja eandu. —¿Mañɨ equia mbiamo ñee ɨcua ja re? Galilea jenda achõ ño ndaque ã, ɨ tuchɨ que mbia u nyuruɨra eandu ra.

⁸—¿Mañɨ equia nande ja cheẽ naa naa ã nde? Nandecheẽ Jesús ɨcuasa saã jaaja chõchɨ̃ nguiã ã. Partia jenda cheẽ esaã saã ñochɨ̃ nguiã ã. Media jenda cheẽ abe no. Elam jenda cheẽ abe no. Mesopotami a jenda cheẽ abe no. Judea jenda cheẽ abe no. Capadocia jenda cheẽ abe no. Ponto jenda cheẽ abe no. Asia jenda cheẽ abe no. Frigia jenda cheẽ abe no. Panfilia jenda cheẽ abe no. Egipto jenda cheẽ abe no. Libia jenda cheẽ abe no. (Cirene ndobeɨ.) Roma jenda cheẽ abe no. (Roma jenda mo ndei judíos. Roma jenda ataque rei judíos eã.) Creta jenda cheẽ abe no. Arabia jenda cheẽ abe no. Jesús ɨcuasa ũquɨ̃ ñee saã saã ja chõchɨ̃ nguiã ã. Nandecheẽ esaã saã ja chõchɨ̃ nguiã ã. Jesús ɨcuasa riquichɨ̃ nandecheẽ naa naa tuchɨ Dios chɨao turã nenei nenei ã, ɨ ja que mbia ucheẽ andu jaaja mose.