HECHOS 28:22-31

²²Tunga mejénni̱ kjuinuꞌyee̱ jotsaꞌen nikjaꞌetsjen, ngatꞌa ꞌya=ni nga nituña ngaꞌndeñu bi nda nukjua ngatꞌare ndiya xi tenikjaꞌaxtiuye.

²³Kui kjua ꞌejñanire jngu nixtjin, ꞌba ne nkjin xuta jaꞌe kui nixtjinbiu niꞌya ña tijña Pablo. Jngu nixtjin fa jako Pablo nga ꞌejña chubare ꞌba kitsuyakixire ngatꞌare ña batexuma Naꞌenchana. Kitsichjen xujun kjuatexumare Moisés ꞌba ko xujun xi kitsiꞌindu nchja chinga profeta tuxi kitsiꞌindani inimare xuta ngatꞌare Jesús.

²⁴ꞌBa ꞌbatsaꞌen tjin xi kuakjainre mé= xi kitsu Pablo ꞌba tjin xi bi kuakjainre.

²⁵ꞌBa kionga je josiko xinkjin, ꞌetutsꞌinre nga kiji ngani ndaba ꞌba Pablo tu ꞌbi= kitsu ngisare: —Kjuakixi= mé= xi Isennixtjintsjere Naꞌenchana kitsikinchja profeta Isaías nga jako xuta chinganu nga kitsu:

²⁶Tꞌichin ꞌba ꞌba tꞌin_ri naxinandabi: Ninga nda kuinya ñojon, bi ku̱ankjinnu. ꞌBa ninga nda xutsijon, bi xio.

²⁷Ngatꞌa je ne taja kuán inimare xutabi, ꞌba kitsixtaya yojore ꞌba ꞌechja tuxkun, tuxi bi skueni ꞌba bi kjuintꞌeni, ꞌba tuxi bi ku̱ankjinnire, ꞌba tuxi bi kjuaꞌeni ngixkuaa̱n ꞌba an sindaa̱.

²⁸’Kui kjuañu nde tjinnenire nga xiañu ngandaꞌe nga Naꞌenchana kitsikasenre en xi sikꞌangi xuta xi bi judío. ꞌBa kui kuinya ñojon=re enbiu.

²⁹Kionga ꞌba kitsu Pablo, nchja judío ꞌñu josiko xinkjin nga kiji.

³⁰Jó nu kuánre Pablo nga tsikꞌejñaya niꞌya xi ꞌechjintjai ꞌba kjebetjo ngatsiꞌi xi fechukun.

³¹Kitsikjaꞌaxtiuyare ngatꞌare ña batexuma Naꞌenchana ꞌba yakuyare ngatꞌare Naꞌenna Jesucristo. Tsajain xi ꞌechjaꞌndere ꞌba tuꞌyá kitsinaꞌenre.