Hechos 27:19-25

¹⁹iwa ijkuak obiktlatik, innewiah ika inmawah okintlamotlakeh ijtik weyi atl ilonajwah iwa oksiki tlan okitekitiltiayah itech barko.

²⁰Miakeh tonatijmeh otlamixtentoka iwa amo otiktakeh nion tonati nion sítlalteh, iwa ika neká chikaktik kiawiejekatl non topa owetsia otikmolijkeh timikiskiah.

²¹Kemi ya miak tonati amo otitlakuayah, Pablo omóketski tlatlajkotia iwa okijto: —Tlakah, okachi kuali nonnechkakiskiah iwa amo tikisaskiah de Creta. Ijkó amo titlaijyowiskiah nion nonkipoloskiah itlamamal n barko.

²²Pero amo ximosotlawakah, porke maya tikpoloskeh n barko, nion se de nomejwah mikkis.

²³Porke nin yúali onechmonextili se iángel Dios, akin niteaxka inawak iwa niktekitilia.

²⁴N ángel onechili: “Amo ximawi Pablo, porke tikpia de timoteixpantiti inawak n César, iwa por te Dios amo kikawas mamikki nion se non kateh mowah itech nin barko.”

²⁵Yika, ximoyolchikawakah tlakah, porke ne nikneltoka Dios, iwa kuali nikmatok Ye kichiwas nochi tlan iángel onechili.