22Tyicuan ta ra Agripa catyí ra chi ra Festo: ―Cuñí tucu yuhu cuɨñi cha cahán ra cuan ―catyí ra. Ta ra Festo catyí ra chi ra: ―Tyaan cuɨñun cha cahán ra ―catyí ra chi ra.
23Tuvi̱ inga quɨvɨ ta chaa̱ ra Agripa chihin cu Berenice. Iyo xaan caa ñu quɨhvɨ̱ coyo ñu chichi vehe vatyi rey cuví ñu. Quɨhvɨ̱ tucu comandante ta ra cacuví tyiño ñuu cuan. Tyicuan ta ra Festo catyí ra na quichi ra Pablo.