HECHOS 1:16-25

¹⁶―Nchuhn dihnó, a va che conahn ndudo che din Vaco Ndah yahn Dendiohs che dirun David yahn Judas, che quenda̱hna̱n se yahn sa̱hn che din se preso Dihvo vo.

¹⁷Sa̱hn min ne, chi cuande se va̱n nuhn, din se ntiyon nduco nuhn.

¹⁸Tume che nda̱ca se yahn nunde yahn se ne, ca a̱ma ndi ya̱hn. Chihno min ne, chenda̱h se, denderen se, ne chendan se, chihno chetuhn rehte se ndiya̱hn.

¹⁹Cuahn che checadino ihyan ya̱n Jerusalén yahn chemin ne, chaconahn ye che duche ya̱hn min, Acéldama, deva̱co yahn ye, che nahn ca̱hma Ya̱hn Yahn Yun.

²⁰A ndirun na̱n libro yahn Salmo tuhca̱: Cuhnde ma̱n va̱co se. Nde a̱ma ihyan hua conun ye min. Namin a ndirun: Conan ta̱ma ihyan menun se, ndonda̱ ta̱h ye ntiyon che quenan cuma se.

²¹’Chemin che a̱ma cha ihyan che namin chinduco ye Dihvo vo numacuahn ro che quechica ye,

²²nde ro che chehdenune Jua̱n ihyan, nde nda̱ ro che din Dendiohs che cona̱hn ye vahchetero ne, va che co cuande ye va̱n nuhn, ca̱va che cua̱cotuhn ye ndudo yahn che a ntuche Dihvo vo.

²³Ntihyon ya̱n ihyan chahn o ihyan. A̱ma ye ne, José Barsabás, che namin duche ye Justo, ne ta̱ma ye ne, Matías.

²⁴Tuhme cova̱h nducoya̱ca ye: ―Dihve nuhn, a ndih che rendihche ne chedave yahn nducoya̱ca ihyan. Cona̱hma ne nuhn cha ihyan che o chuhn, nahn ne

²⁵che co ye apóstol, conan ye menun Judas, din ye ntiyon che denda se, din nunde yahn se, te a cuahn se na̱n che redin yahn che conun se.