HECHOS 18:9-14

⁹A̱ma vino ne, chinahn a̱ma vederihno na̱n Pa̱blo, ne chihnevan ye che ra̱hn Dihvo vo nduco ye: ―Cuiquendi, cuahndode. Hua te vah. Hua ngüen,

¹⁰te u ne, nducó di, ne nde a̱ma ihyan hua co nahn ta̱h ye di ca̱va che nuhn yah ye di. Cuiquendi, cuahndode, te muhn ya̱n cuh ne, vate ca a̱ma ya̱hn ihyan che cotahno ye u.

¹¹Chemin che quenan Pa̱blo min ya̱n Corinto a̱ma nduyo quenan ma̱n, ricuahn ye Ndudo yahn Dendiohs, rihnevan ihyan chahn.

¹²Ate cuahn che quenan Galión gobernador yahn Acaya ne, ihyan nación yahn Israel ne, chi ta̱n ye nduco Pa̱blo, ne ndo da̱ma ye, quenda ye ihyan na̱n se.

¹³Ra̱hn ye ri ye sa̱hn: ―Sa̱hnguh ne, rinun se ihyan che cotahno ye Dendiohs, ate hua nduhca̱ che rihquentiyon ley.

¹⁴Pa̱blo ne, adeche cuana̱n ca̱hma ye cuahn che ra̱hn Galión ri se ihyan chahn: ―Nchuhn, ihyan nación yahn Israel, ndete che ca̱va a̱ma nunde chahte che nda ne sa̱hn tih ná̱n ne, va vedeyenó che techeca̱dé yahn se.