29»Ruma kꞌu oj ralkꞌoꞌal ri Dios, maqachꞌobꞌ kꞌu riꞌ we Rire junam uwach kukꞌ ri tiox xa e ꞌanom rukꞌ oro, rukꞌ plata o rukꞌ abꞌaj, xa yijbꞌitalik y noꞌjital kuma rachijabꞌ.
30Ojertan lo riꞌ jelaꞌ ri kinaꞌoj taq ri winaq puwi ri Dios, noꞌj ya kꞌu xikꞌow ruqꞌijol waꞌ. Ma woꞌora ri Dios kebꞌutaq konoje ri tikawex che ronoje luwar chaꞌ kakitzelej kitzij chwach.
31Ma Rire uqꞌatom chi jun qꞌij echiriꞌ kuꞌan ri jusukꞌ qꞌatbꞌal tzij pakiwi konoje ri tikawex che ruwachulew. Kuꞌana kꞌu waꞌ ruma ri Jun Achi Uchaꞌom loq. Yey echiriꞌ ri Dios xukꞌastajisaj lo ri Jesús chikixoꞌl ri ekaminaq, e xujikibꞌaꞌ uwach Rire e ri Jun uchaꞌom loq chaꞌ kuꞌan waꞌ» xchaꞌ.
Hechos 17
Hechos 17:29-31