19Da su Pablo Areópago eti jude su dusutana huecuana. Dapia jadhitati bahue putaina huecuana yacuicuinati puji. Pablo quisabatana huecuana uja: —¿Ai ni ye jabuetsuati cuana eichacua cuana mida quisaquisa epuani?
20Ye jabuetsuati ecuanaju bahue puja biame, atadhada eshanapa puji.
21Tueda ejude su aniji cristiano cuana da pamapa ai quisa eichacua cuana jepuiti quisa bahui putaina.
22Da su Pablo tuna duju su netiana putsu, uja quisaquisa puana: —Atenas deja cuana, micuaneda eimea cuana mitsutsua bahue yama ebainia.
23Ema micuana sa ejude je puniunetiana su, jucuada eimea cuana yama bana. Piada altar su yama uja derejiji bana: “Ye altar da diusu mue ecuaneda shanapa sa puji.” Micuaneda tueda diusu mue shanapa biame, mitsutsua bahue. Beju jiahue yama micuana saida equisa tueda Diusu jepuiti.