Text copied!
CopyCompare
Stiidxa Dios didxazá (El Nuevo Testamento de nuestro señor Jesucristo en el Zapoteco del Istmo) - HECHOS - HECHOS 16

HECHOS 16:23-33

Help us?
Click on verse(s) to share them!
23Biluxe si guluu ca palu laacabe biseguyoo ca laacabe ne gudxi ca ni rapa ra lidxi guiiba que gapa chaahui laacabe.
24Para ucuaa ngue laacabe uluu laacabe dede últimu cuartu sti lidxi guiiba que. Ne uluu ñee cabe lade chupa yaga rabi cabe cepu.
25Bia' galaa gueela caní' né cabe Dios ne cayuunda né cabe laa. Cucaa diaga ca xcaadxi presu que laacabe.
26Mala uca ti xu ro' dede biniibi dxacha raqué ne bixele irá ca puerta sti lidxi guiiba que. Ne bindaa cadena liibi irá cabe.
27Ora bibani ni rapa ra lidxi guiiba que, biiya ma zuxele irá puerta stini, ulee espada ucala'dxi ñuuti laca laa. Zácaxa ma bixooñe irá presu.
28Peru óraque bicaa Pablu ti ridxi, na rabi laabe: ―Cadi guniná lu laca lii, irá du nuu du rarí'.
29Para unaba be ti biaani ne biuu uxooñe be ndaani lidxi guiiba que. Dede cayaca diti be gudiche xibi be xa ñee Pablu ne Silas.
30Ne ulee be laaca de raqué rabi be laaca': ―Biche ca', xi gune para ila'ya'.
31Para na ca rabi ca laabe: ―Bini cre Señor Jesucristu ne zalá lu', lii ne ca binni li'dxu'.
32Ne byuí' né ca laabe stiidxa Señor, laabe ne irá ni nabeza ralidxi be.
33Lu gueela queca ucuaa be laaca', udiibi be ra ucaná laaca', ne óraque uyuu nisa be, laabe ne ca binni lidxi be.

Read HECHOS 16HECHOS 16
Compare HECHOS 16:23-33HECHOS 16:23-33