Hechos 16:2-11

²Ja Timoteo iká iki, Listrainoa betan Iconioainoa joi akaibo, jaki jakoni yoyo ikanai joni.

³Jaskara iketian, Pablo keena iki, ja Timoteo jabé katin. Ikaxbi kaamatianbi, jawen jakina rebichi xatexona iki, jain jakana judíobaon jakonma shinanyamakanon ixon, moa jatíxonbi ja Timoteon papa, griego joni onankana iketian.

⁴Jatian kakinra jain bokanai jemabotiibi, ja raanabaon itan *ancianobaon, Jerusalénhainxon shinan akanabo, jatíbi joi akaibo jato yoibokana iki.

⁵Jaskara joibo ninkatax, joi akaibo bebonbires Dioski koshikareskana iki, jainoaxibi ja joi akaibo, netetiibi kaikareskana iki.

⁶Jatian ja Diossen Shinanman, Asia main joi yoii katima yoiara, Frigia betan Galacia mainres bokana iki.

⁷Jain boax, Misia ochóma nokókana iki. Jainxon ja Bitinia main kati shinankana iki, ikaxbi ja Jesussen Shinanman jato kamayamaa iki.

⁸Jaskara iketian, ja Misia mainbi winóbaini boax, Troas jeman nokókana iki.

⁹Jain nokota yamé, Pablon namá keska meran oinna iki, ja Macedoniainoa westíora jonin chankataanan yoiai: “Neke Macedoniain shitáxon noa akini jowé”, akin akai.

¹⁰Jatian Pablon namá keska meran oinxon noa yoiketian, Macedoniain kanox noa benxokaata iki, Diossenbi jain jawen jakon joi yoii kati noa kenamaa onanax.

¹¹Jaskatax, Tróassainoax pishítaanan, Samotracia nasinko ponté kaini noa kaa iki. Jatian nete xabáketian, Neápolissain noa nokota iki.