HECHOS 15:33-37

³³Cuahn che a ndeh ro chahtenan ye min ne, ihyan che ritahno ye Dihvo vo ne, ndedechuh ye ihyan numacuahn vedeyeno ya̱n Jerusalén.

³⁴Ate Silas ne, quenan ye min ya̱n Antioquía.

³⁵Namin Pa̱blo ma̱n, Bernabé ma̱n, chahtenan ye min, ne nduco a̱ma ya̱hn ihyan ne, quendi ye, ricuahn ye ndudo yahn Dihvo vo Jesucristo ma̱n, rahndudo ye ma̱n.

³⁶Adive ne, ra̱hn Pa̱blo ri ye Bernabé: ―Cuhn vo ta̱ma yune nduco ne, quendihchero vo nducoya̱ca dihno vo che vate ye nducuahn ya̱n na̱n che a chahtechico vo, cahndudo vo ndudo yahn Dihvo vo. Ndihchero vo ta̱ca̱ chenan ye.

³⁷Bernabé ne, nahn ye che ca̱hn Jua̱n Marcos, co nduco se ihyan.