Hechos 14:9-12

⁹Ta suri maa ra pehe chaha cuan tyasoho̱ vavaha ra nu cahán ra Pablo. Ta ra Pablo, tuvi̱ iñi ra vatyi chinó iñi ra cuan vatyi cuví nduvaha ra.

¹⁰Tyicuan ta ra Pablo cahan ra chihin cha chaa ndusu ra, ta catyí ra: ―Nɨ̱cuinanyaa ndoo ―catyí ra Pablo chi ra. Ta ra cuan, noo ri caña ndava ra, ta nɨcuinanyaa̱ ra. Ta quichaha̱ chica ra.

¹¹Cha nyehé ñáyɨvɨ cha sacuvi̱ ra Pablo, quichaha cana chaa ñu chihin sahan Licaonia, ta catyí ñu: ―Nyoo cha tari caá rayɨɨ chaa̱ coyo nu nyicú yo ―catyí ñu.

¹²Ta catyí ñu tyi ra Bernabé cuví ra noo nyoo cha nañí Júpiter, ta ra Pablo cuví nyoo cha nañí Mercurio, vatyi ican ra cuví ra cahán.