16Huajca Pablo moquetzqui huan quintlamanextili nopa tlacame ma ax molinica. Quiijto: ―Xijtlacaquilica inisraelitame huan nochi tlen inquitlepanitaj Toteco.
17Toteco, yajaya tlen toDios tiisraelitame, quintlapejpeni tohuejcapan tatahua, huan quinchihuili para ma momiyaquilica quema itztoyaj ipan nopa tlali Egipto huejcajquiya. Teipa Toteco quinquixti ipan Egipto ica ihueyi chicahualis.