HECHOS 12:4-12

⁴U q'uechi, u jup'i tä cárcel, u yäq'ui chänwoy de achänchäntu ajcänänya tuba u cänäntan. U yoli u pa'sen tu nume paxcu', tuba u jiran ni gente si ayan u tanä y u tzämsen.

⁵Aj Pedro ya' mäcä tä cárcel, machcatac a'uti u woylan ubajobba mach u yäctijob u c'änti'in Dios uc'a aj Pedro.

⁶Päscab tu xe u pa'sen aj Herodesba, jinchichba ac'äb ya'an aj Pedro tä wäye tänxin cha'tu ajcänänya. Cächä ayan t'oc chatz'it u cächquiba. Ya'an täcä ajcänänyajob tu ti' cárcel u cänäntan.

⁷U ángelo Ajnoja Dios c'oti ca'an, y ump'e noj junch'äcni u chicti tama cárcel. Jini ángelo ta Dios u niqui muc' tu ch'ejpa aj Pedro, u p'ixtesi u yälbi: ―Seb, ch'oyen. U cächquiba ajni tu c'äbba laj yäli tä cab.

⁸Ni ángelo ta Dios u yälbi: ―Äc'ä a cächi' näc', äc'ä a pächi'oc. Che' chich u chi. U yälbi täcä: ―Äc'ä a buc tu pamba, la'ix täc pat.

⁹Pasi, y bixi tu pat. Mach yuwi si toj ni u chi ni ángelo ta Diosba, u yäli bay u päpä' chäni.

¹⁰Numijob bajca an najtäcäl ajcänänyajob, u jeli. Numijob bajca an u chap'elib ajcänänyajob, u jeli täcä. C'otijob tu ti' cárcel ni de palibba, jini u xe tan cajba, u juntu jäbi uba. Pasijob, u numsi untz'it calle. Jinq'uin ni ángelo ta Dios u yäcti.

¹¹U ch'i u c'ajalin aj Pedro, u yäli: ―Bada cuwi chich cache' Ajnoja Dios u täsqui u ángelo, y u pa'son tu c'äb aj Herodes, u pa'son tu c'äb upete aj judíosob, jini u pijnanob cua' cä xe tä cherbinteba.

¹²Jinq'uin ti tu c'ajalin, bixi tu yotot ix María, u na' aj Juan; u chap'elib u c'aba' aj Juanba aj Marcos. Ya'i ya'an q'uen machcatac u woyi ubajob u c'änti'in Dios.