Hechos 12:13-19

¹³Deni bsez Bed ruu puert, chiy bdiia tuby dxaap ni lá Rode par zeguiaab tú bnietqui.

¹⁴Per chi bambeeb rsee Bed, quesentiand rzaclaazbɨ, parzi xlat ni nixalbɨ ruu puert ax blluuinbɨ güetixteeb a Bed zuguaa ruu puert.

¹⁵Chiy raipdeb laab: —¡Rac quiu xi! Per dxaapqui guzutipbɨ dec guldípacbɨ. Ax raipdeb laab: —Gati laatibɨy, ánglɨdxa ni racné laabɨy.

¹⁶Per Bed güelaa bsezbɨ, parzi chi bxaldeb ruu puert axtpacza bdxibdeb chi gunádeb laab.

¹⁷Chiyru baany Bed seny lodeb iganydeb, ax gudixteeb lodeb xa xquel gulée Dios laab láani lizguiib. Ne raipbɨ laadeb: —Ziy gultixtee lo Jacob cun lo irate de ni reldilaaz Jesucrist. Chiyru bdiiab zéb stuby lat.

¹⁸Chi bragueel niclɨ quɨt racbee de suldad xa gúndeb pur ni quɨt gucbeedeb xa guc bdiia Bed.

¹⁹Chiy gunabee Herodes chatíilydeb laab, per quɨt nidxialtideb laab. Parzi deni bialo gunabdiidx Herodes de suldadqui xa xquel guc, ax gunabeeb gatydeb. Chiyru bdiia Herodes Judea ax güeldezbɨ guɨdx Cesarea.