8Gutixa'ánią cą iyaba nu uccua acerca de nu bila'ni naá, bitola nna guthèl·la'ą cą para yetsi Jope.
9Attu yu'utsá nna exa tegáabá ru'a ciudad chi dia cą, huàppi Pedrua iqquia yú'u lo azotea para guni bi oración. Ttu tsì'nu hora ti'gá nuá.
10Gutùni l·lání Pedrua nna quelibí l·lání go bi ùccuanì bi, pero miéntraste runi cą ỹuhué bi nna de repente taá nna bila'ni bi tì'a ttu nu rínneni yèlà.
11Bila'ni bi yálíá ỹiabara' nna huàdi' tè ttu lári' ỹíga' tappa esquina quì'į forma de ttu bédútí.
12Le' nuá nna yù'u iyábani clase de ca animal: canu tsìa tappa nì'a quį, ą'hua canu riyé'ya bání lè'e quį, ą'hua canu ridàa lo be' nna.
13Làniana biyéni tènì bi tsì'i ttu enne' nna rèe bi: Pedro, gùỹi' nna bèttì nna gùtò.