Hechos 10:6-27

⁶Lee xaa nzho li stub Simón, xaa nseguuzh yed, xaa nzob li gax roo nistoo.

⁷Gorna lee mandad cheen Dios nya, Kornel mrezh chop xmos, nu tub soldad, xaa nle yudar xaa, xaa nzholl lo Dios.

⁸Nu gorna ngulo mzaa xaa kwent re kwaan mded, zee mxaal xaa xaa yezh Jope.

⁹Nu rolta mbizh stub mbizh nzhazhin xaa gax yezh Jope. Nu lee Pér nguxoob lo tub skaler yek yoo zee wdizhno xaa Dios.

¹⁰Nlaan xaa nu nzhekla xaa gaw xaa, per gorna kadexkwaa me kwaan gaw xaa, gorzee mlu tub kwaan lo xaa,

¹¹lee yiba mxal nu nzela tub lee ler naro naz lo yo, kwaan nkadoo dap punt.

¹²Nu lo ler nzho rete ma, nu re mball, nu re mbyin.

¹³Nu mbin xaa tub bos kwaan nzhé lo xaa: —Pér, guxso, bit ma nu daw ma.

¹⁴Pér mkeb nzhé: —Nyent moda, Xaa Nabeyy; nel na nik tub welt zer gaw na tub ma nanzhult nu ma nanambeyt.

¹⁵Nu lee bos mbare ngunii stuba, nu nzhé lo xaa: —Rese kwaan mle nzhula na, naniit luya kwaan nanzhult.

¹⁶Kwaane ngok chon welt, nu zeera lee ler naro mbare nguxoob naz yiba stub welt.

¹⁷Pér mle xgab cho kwaan nak kwaan mlu lo xaa, gorzee mzhin re xaa mxaal Kornel roo pwert, xaa ngunabdizh pa nzob li Simón.

¹⁸Gorna mzhin xaa, mnabdizh xaa zee ne che nzho tub xaa le Simón, xaa noka nlabeyy re xaa mod Pér.

¹⁹Nu lee Pér seetaka kale xgab kwaan mlu lo xaa, nu lee Mbi Naban nzhé lo xaa: —Wii, chon xaabyi kakwaan lu.

²⁰Guxso, nu bla, nu gwa kwaan re xaa, nu nalet lu xgab, nel na mxaal xaa.

²¹Pér mla nu nzhé xaa lo re xaabyi zee: —Na nak xaa kakwaan re gu. ¿Nu chozhiin kakwaan gu na?

²²Lee re xaa mkeb nzhé: —Nze nu kwent cheen Kornel, xaa nabeyy lo tub gayoo soldad. Lee xaa nak tub xaabyi wen, tub xaa nreke tich Dios, nu rese xaa Israel nkela xaa. Tub mandad cheen Dios nzhé lo xaa, nzhaal kwezh xaa lu, zee ya lu garli xaa zee lee xaa kenzha kwaan nzhaal yé lu lo xaa.

²³Zee lee Pér nzhé lo re xaa: —Bzeeb gu. Nu mlaz xaa kwaan Pér dubse yaal zee. Nu lee stub mbizh, Pér ngwa kwaan re xaa, nu mreke lak wech, xaa Israel xaa nzho Jope, tich xaa.

²⁴Nu lee stub mbizh mzhin xaa yezh Cesarea, paro nkambaz Kornel xaa, kwaan lak sawlizh xaa nu xmig xaa, xaa mrezh xaa.

²⁵Gorna mzhin Pér garli Kornel, gorzee mroo Kornel ngunii lo xaa, nu mkichxub xaa lo xaa, nu mbill xaa lo xaa kwenta lo Dios.

²⁶Per lee Pér mlexso xaa nu nzhé lo xaa: —Bzoli, nel ropse be nak myet.

²⁷Nu kayadizh rop xaa Kornel, nu zeera mzeeb xaa leen yoo zee ngune xaa zyen doo myet nzhi.