30Kiitettida asati moyzetidi duge Anxokiya wodhdhida; heen ammanizayta wursi shiishshidi ehida dabdaabeza istas immida.
31Dereyka nababidi minthethiza qaalan ufayetides.
32Yuhudaynne Sillassi nabeta gidida gish daro zoridi ammanizayta minthethida.
33Heen guutha wode gam7idi ammaniza asay moyzin guye bana kiittidaytakko simmida.
34Sillassi qas heen attanas koyides.
35Phawuloosinne Barnabaassi hara daro asatara gididi Goda qaala tamarsishenne sabakishe Anxokiyan gam7ida.
36Phawuloosi guutha wode gam7idi Barnabaasa “Nu kase Goda qaala yootida ubba katamata biidi ammanzayti ay mala dizaakkonne ane yuuyi beyoos, denda” gides.
37Barnabaasikka Marqoosa geetettiza Yohannisi istara baana mala koyides.
38Phawuloosi qas iza ekki baanas koybenna; gaasoyka kase Marqoossi istafe shaaketidi Phinfiliya gizason guye attidi istara oosos sinth kezonta aggida gishassa.
39Histin daro palamay ista giddon medhetida gish ba giddon shaaketi wodhdhida; hessa gish Barnabaassi Marqoosa ekkidi markaben gelidi Qophiroose bides.
40Phawuloosi qas Sillase doorides. Ammanzaytikka Phawuloosa Goda aadho kiyatethas hadara immidappe guye izi istafe shaaketidi bides.
Hawaareta Ooso 15
Hawaareta Ooso 15:30-40