HADIBAIA TAUNA 7:3-10

³Lalohisihisi ena namo ese kiri ena namo ia hereaia noho, badina be lalohisihisi ese iseda lalona ia hanamoa noho.

⁴Nega ibounai moale ia laloa noho tauna be kavakava. Aonega tauna ese mase ia laloa noho.

⁵Aonega taudia ese oi do idia gwau henia be namo. To kavakava taudia ese oi do idia hanamoa be dika.

⁶Kavakava tauna ia kiri neganai, unai regena be au ginigini lahi lalonai edia regena bamona. Unai kiri be anina lasi.

⁷Bema aonega tauna ese tau ta ia koia neganai, unai aonega tauna be kavakava tauna ia halaoa noho. Bema lalona veria moni oi abia dae neganai, oi ese oiemu mauri oi hadikaia noho unai.

⁸Kara ta ena dokona ese unai kara ena hamatamaia ia hereaia noho. Bona haheauka kara ese hekokoroku kara ia hereaia noho.

⁹Do oi badu haraga lasi. Bona bema badu be emu lalona dekenai oi dogoatao noho, inai be kavakava taudia edia kara.

¹⁰Do oi hereva lasi inai bamona, “Badina dahaka nega gunadia be namo, to inai nega be ia dika noho?” Badina inai bamona henanadai be aonega lasi.