Hacutjin Casahmi Apóstol 9:1-5

¹Jinguyëjë rë xi cuatjin tijima ne, Saulo ne, hacuaha ni cjuinduju sa me vincharcun me xuta ladu rë Nai naja ta tsiquehen me. Quiji me xcun nahmi xi matitjun ne,

²cafehya me ngu carta cojo sa xi cumacjain rë tsëhë me xutaxa rë yungun ngajan nandya Damasco. Hane cojo xujun jan sa xi sacú rë me xuta Damasco xi tjengui ndiya rë Jesús, sa chjuun sa xihin ne, tsihñu me cjuecojo me ngajan Jerusalén.

³Hya xi camá ne, cavetju me quiji me. Hane xi tijima tiña me Damasco ne, ha tu ñahñu canduva ngu ndihi tsëhë ngahnga casahmi hasen rë hiscan cjui me.

⁴Hane xi caticja me ne, cahndë me ngu cjua xi cachja cojo rë me cuitjin: ―‍Saulo, Saulo, ¿mé má cuatjin nujyihiye tjengui ná cojo cjuahngatacun? ―‍Cuatjin cachja.

⁵Ngajan xi Saulo ne, cuitjin cafayangui me: ―‍¿Yo ngayun, Tatá? ―‍Cuatjin cafayangui me. Ngajan xi cjua jan ne, cuitjin cafayangui tsëhë me: ―‍Ngahan xi Jesús ngahan, xi tinujyihiye tjengui ná cojo cjuahngatacun.