Hacutjin Casahmi Apóstol 12:6-13

⁶Ngu nguixun chaja sa xi cuitexa Herodes xi cuetju Pedru xi cumacuenda jyë́ rë me ne, Pedru ne, jiñafë me, tjinhñu me cojo jo cadena ngajñi rë jo sindadu. Hacuaha siu sa jo sindadu tingotjo ndavaya xi sahmi cuidadu.

⁷Hya xi camá ne, cafehe ngu ángel tsëhë Nina, hane jercu camahasen cahntsua ndavaya. Hane xi quiji cavëhëtsja ángel jan ndanisin rë Pedru ne, catsisatjenhnga rë me, sehe cachja cojo rë me cuitjin: ―‍Tisatjinhngue sanii. ―‍Cuatjin cachja. Hane hora vëhë ne, cavixuhndu cadena xi tjinhñu tsja me.

⁸Sehe ngajan xi ángel ne, cachja nga cojo rë me cuitjin: ―‍Cheje tsjian riji, hacuaha tinche chuxinxtë riji. ―‍Cuatjin cachja. Hane Pedru ne, cuatjin casahmi me. Cachja nga ángel cuitjin: ―‍Cheje tsjanga riji, hane ndove hacutjin cjuë́. ―‍Cuatjin cachja ángel jan.

⁹Hane xi cavetju me ne, quiji me hacutjin quiji ángel. Peru hvíin me xi xcusun xi tisahmi ángel jan ne, cjuaquixi ta xi má rë me ne, chini tichja cojo rë me.

¹⁰Hane xi cavatjutaha me ngu cavatjutaha me jo sindadu ne, sehe cafehe me tingotjo quicha xi cuétjuun xi cuanguen ngajñi nandya. Tingotjo vëhë ne, catuxaha suvá. Xi cavetju me ne, sehe quiji me. Hane xi cafehe me hiscan xi faha rë ngu nga ndiya ne, ha tu ñahñu quijixin ángel tsëhë me.

¹¹Sehe ngajan xi cajnercu Pedru xi cjuaquixi xcusun xi camá, hane cachja me cuitjin ngajñi rë suvá me: ―‍Quihndë ne, hvë jain xi Nina ne, catsingatju me ángel rë me, hane cavaxëtje ná me tsëhë Herodes, hacuaha cavaxëtje ná me tsëhë yëjë xcusun xi meje sahmi xuta tjë rë Israel cojo ná. ―‍Cuatjin cachja me ngajñi rë suvá me.

¹²Hane xi tu catsingataha cacun me cuatjin ne, sehe quiji me ndava María naa rë Juan, me xi hacuaha hmí rë Marcos. Ngajan ne, jercu tjin tangun xuta xi tisahmi me oración.

¹³Hane xi cafehe me jan ne, catsijane me tingotjo. Hane sehe canduvavaha ngu na hndixahan xi hmí rë Rode xi cjuinenguise na yo xi titsijane.