GWAY GI IDAWUU’D 91:2-10

²midi o Tap̱a gwo mo ki: /E a’di ihurga/ jwa icine/ mo dhali /e tana cur pem jin ṯenu gwo mo, Arumgimis pem, e /e mo tani aha/ gamkina gwo is mo.

³Haali/ a’di midi ’cuḵ /e mo ’pena gume/ jin cesh ma mancesh to to mo dhali ’peni to jin wo’cki ’kwani is she/ mmowu mo.

⁴A’di midi kum /e ’kup̱ ki thulas piti mo, dhali e bwaŋ’kwariny ma bim piti mo tani /e mini gam mo jin huru jwa mo. Mii ma isiŋ ganam piti a’di ta’da goŋgoro/ mo dhali p̱a’dal mo.

⁵/E mini diki ḵo/ is gom mon’thiny jin midi miiya pure/ mo, walla athop̱a/ jin p̱eki’d montee mo,

⁶walla to jin wo’cki is she/ jin parki’d mon’thiny mo, walla mo jin ’ce’du/ sho’k jin shi/ki’da shi/ is montee mo.

⁷Alip̱ ’kwani mini rasu/ e ’ko’d gwar pini mo, dhali alaap̱i ’kume’d mini rasu/ ka bim poros pini mo, hili a’di midi diki p̱u’du/ mmo’dish /e is mo.

⁸/E mini hil ki jasi em pini mo dhali hil mo jin minu ri’c a’di jin ta thus ki thus mo.

⁹Haali/ /e ki kar Tap̱a mmota jim pini jin hura /e jwa mo, a’di jin Caa e ki Ca mo jin ta mom pini jin c̱a’ba /e icine/ mo tani

¹⁰tonthusa kamu/ midi diya mmop̱u’da p̱o/ /eya? walla mo jin doruwa dor midi ’dish /e is e gu’b burrinyem pini jin c̱a’ba /eya?