GWAY GI IDAWUU’D 91:10-16

¹⁰tonthusa kamu/ midi diya mmop̱u’da p̱o/ /eya? walla mo jin doruwa dor midi ’dish /e is e gu’b burrinyem pini jin c̱a’ba /eya?

¹¹Haali/ a’di midi hash iman’doyu gwom piti mo mmoḵan gwo gom /e mo dhali mmoji /e mo eya ris bway pini ’baar mo.

¹²E me’d buni mo tani uni mini ’de’k /e mo, isi ciki/ ki /e mina sho’k pini diki ṯorosh ap̱o/ wosh mo be.

¹³/E mini yap̱a dhop̱a p̱o/ ki sho’k mo dhali tasha/ jin ta ga ṯi’di cine/ mo, dhali adhop̱ jin ta dhuru’c mo dhali tasha/ mo /e mini yap̱ uni ki sho’k mo.

¹⁴Haali/ a’di koṯẖki aha/ me’d ki mo/en mo tani aha/ mina ’cuḵ a’di mo. Dhali aha/ mina cesh a’di ka p̱o/ mo haali/ a’di mishki gway pem mo be.

¹⁵Ki a’di midi yuḵ aha/ mo tani aha/ mina yuḵ a’di ’twa/ mo, aha/ mina nyaḵ di ki a’di e mo jin ṯoju a’di bwa mo. Aha/ mina ’cwam a’di mo dhali taḵ a’di mo.

¹⁶Ki mondiki/e jin tura ’ba/ ki tur mo tani aha/ mina kap̱ a’diya du mo, dhali ṯor a’di bway gi mowoṯẖ pem mo.