GWAY GI IDAWUU’D 86:6-14

⁶C̱iyi ’cem pini, ayy Tap̱a, ka ’thom pem mo. Ciḵi gwo gom ko jin gwoka/ ka di’b me’di is mo.

⁷Ka tee jin ṯocu aha/ bwa mo tani aha/ yuḵkina /e mo, haali/ /e thoḵki aha/ ’twa/ mo.

⁸Jaŋkamu/ yisa di’da e bwam ma rum thus gwahan jin waki /e, ayy Tap̱a, walla jaŋ kamu/ yisa di’da jin mii to me’d /e mo.

⁹Aris kal ma ris ’kwaniny’ceshi ’baar mo kun uḵa /e mo tani mini p̱u’du/ mo dhali luŋ ki jiŋ ’kup̱a’dup̱uni bwambori /e mo, ayy Tap̱a, dhali kar gway pini ki ca mo.

¹⁰Haali/ /e caaca mo dhali miina dhan to gi momer mo, dhali /e ’de/ itana Arumgimis mo.

¹¹Ṯori aha/ gwo gom bway pini mo, ayy Tap̱a, ki aha/ mina ya e bway ganam pini mo. Kara dum pem mmoṯal ’de/ mo ki aha/ mina ḵo/ gway pini mo.

¹²Aha/ c̱ina mo jin ’boruwa ’bor bwa i is ki /e mo, ayy Tap̱a Arumgimis pem mo, ka dum pemi ’baar mo, dhali aha/ mina kar gway pini ki ca ki sule/ sule/ mo.

¹³Haali/ mo/en jin ṯelu sho’k mo tani a’di caaca ’kup̱ ki aha/ mo. /E ’cuḵkina ḵashiram pem ’peni moŋ’kulga/ ma Haawiya mo.

¹⁴Ayy Arumgimis, ’kwani kun ushi ’kwani ga/ uni cukin ap̱o/ aha/ mo, dhana tul ’kup̱ ’kwani kun maṯẖamaṯẖ mo tani simmki mondiki/em pem e mo, dhali uni ’koki kar /e ibwambori jis/em buni mo.