GWAY GI IDAWUU’D 84:5-10

⁵Mom’bor mii gom ’kwani gwahan kun ’kona mom’bi’th is e /e mo, dhali uni gun ḵwasharr ma du ki ḵwasharr e bway ma Sihyuun mo.

⁶Me’d jin iikina uni ka luŋgu’b e embul wosh ma Buka mo tani uni ki war a’di mmota mo jin kasha yi’de/ e ki kash mo, dhala shoka ’ce’dc̱ipiny tashki a’di ’kup̱ ki usha al piti mo.

⁷Uni iikin ki mo jin ’bithu is mo itagi mo jin ’bithu is mo. Arumgimis jin bol tiya e ki ’bor mo tani a’di iminu mish mo eya Sihyuun mo.

⁸Ayy Tap̱a Arumgimis gi momis mo, ciḵi mon’thom pem mo ma. Dhali c̱iyi /e ’ce mo, ayy Arumgimis ma Yakuub mo. Doshi ma dhali ’cunycuri yan mo.

⁹Hila goŋgoro/ me’d bam mo ma, ayy Arumgimis. Hili ’kup̱ ki jis/e gi a’dim pini jin ’koshu ki monyca mo.

¹⁰Haali/ atee gi mo ki monyc̱a’b pini mo tani a’di ’boro’d mo, mmobola alip̱ gi mo gunn e mo. Aha/ mina ’taki dhal mii gunn e i is ’te/ sayi mmota manhil ’twaŋkal gu’b ma Arumgimis pem mo mmobol mo jin ’konu e gu’ba’ku/ gi ’kwani kun ta thus ki thus e mo.