GWAY GI IDAWUU’D 83:13-18

¹³Ayy Arumgimis pem, dhuyi uni mmowa e ki ’tham jin ’theḵi bu’da’cesh ki ji wuṯul mo, me’da ’pi’b jin ’dashu ibwambori ’tham mo.

¹⁴Me’d o’d jin shwaki bwanycwa mo, dhali me’da le’dan o’d jin shwaki’d ka le’d eya ris ’kuwosha turga/ mo tani

¹⁵wakan /e mini ŋal uni ka c̱unthar pini mo, dhali p̱or uni bwa ka p̱unthar pini mo.

¹⁶’Tu’dki uni bwam/em buni ki mo ma ’the is mo, ki uni mini ’taki ŋap̱ gway pini mo, ayy Tap̱a.

¹⁷Dhalki uni dhunu ki mo ma ’the is mo dhali ’koku ki ’ko ma c̱is ki sule/ sule/ mo. Dhalki uni ’ce’dki sho’k mo ki mii jin thiskunu mii ’ko’d e ki dar ka ’the mo.

¹⁸Dhalki uni mish gwo ’ban mo ki /e a’di iṯal ’de/ mo jin tana gway pini Tap̱a mo, /e jin Caa e ki Ca ap̱o/ mony’ceshi ’baar mo.