GWAY GI IDAWUU’D 83:10-17

¹⁰uni gun ’ce’dkunu sho’k mo e Pan Endor mo, uni gun warkin ki gure/ gom mony’cesh mo.

¹¹Dhuyi mom buni kun tana uni ’penkap̱an mmowa e ka Guraab dhala Diib mo dhali aris iya/ ma maliḵ buni mo me’da Sabah dhala Salmunnaa/ mo.

¹²Uni gun o gwo mo ki: Dhalki ana budha to gom is bana mo ’pena shon dhii/i’d ma Arumgimis mo.

¹³Ayy Arumgimis pem, dhuyi uni mmowa e ki ’tham jin ’theḵi bu’da’cesh ki ji wuṯul mo, me’da ’pi’b jin ’dashu ibwambori ’tham mo.

¹⁴Me’d o’d jin shwaki bwanycwa mo, dhali me’da le’dan o’d jin shwaki’d ka le’d eya ris ’kuwosha turga/ mo tani

¹⁵wakan /e mini ŋal uni ka c̱unthar pini mo, dhali p̱or uni bwa ka p̱unthar pini mo.

¹⁶’Tu’dki uni bwam/em buni ki mo ma ’the is mo, ki uni mini ’taki ŋap̱ gway pini mo, ayy Tap̱a.

¹⁷Dhalki uni dhunu ki mo ma ’the is mo dhali ’koku ki ’ko ma c̱is ki sule/ sule/ mo. Dhalki uni ’ce’dki sho’k mo ki mii jin thiskunu mii ’ko’d e ki dar ka ’the mo.