Text copied!
BREAK EVERY YOKE
CopyCompare
Gwo Ma Arumgimis
- GWAY GI IDAWUU’D
- GWAY GI IDAWUU’D 72

GWAY GI IDAWUU’D 72:7-18

Help us?
Click on verse(s) to share them!
7Eya teem piti jin dina a’di ki e mo tani dhalki mo ma ḵar/e ’twaḵa’d mo, dhali moŋḵu’th is mmo/ish mo ntaga ppe midi diki di doḵ/e mo.
8Dhalki a’di ta gi mom’bi’th ’peni ḵumma/ yi’de/ mo ntagi ḵumma/ yi’den tiya mo, dhali ’peni yi’de/ kun sokin mo ita gi ’pemen gi mony’cesh mo.
9Dhalki uni gun ta ’kup̱ ki a’di luŋkini bwambori a’di mo, dhali ’kwani kun ta ’kup̱ ki a’di mini ’biṯṯ bu’da’cesh mo.
10Dhalki imaliḵ gi Pan Tarshiish dhali kum pa uḵa ’cesh mo c̱i a’diya thulp̱a/ mo, dhali imaliḵ gi Pan Shaba mo dhali Pan Saba mo ḵal to kun c̱inu ki me’d gom a’di mo.
11Dhalki aris imaliḵi ’baar mo ṯagkina ’cesh ki jiŋ ’kup̱a’dup̱uni bwambori a’di mo, dhali dhalka ris kal gi ’kwaniny’cesh si’da/ mii a’di to mo.
12Haali/ a’di ’cuḵki uni gun mini mii ta gi to mo, ki a’di yuḵki’da yuḵ mo, a’di jin hatha’ko’d mo dhali a’di jin dar gi wathi/ mmowoṯẖ a’di mo.
13A’di ki hila hil ki e ma ’thime/ ki mo/en ap̱o/ uni gun ’ka’da is mo dhali ap̱o/ uni gun mini mii ta gi to mo, dhali ta moŋ’koki/em buni is ki me’d mo gom uni gun mini mii ta gi to mo.
14’Peni mo jin sirijuwa siri’c ki sho’k mo dhali abujur jin bujuru mo tani a’di wanki moŋ’koki/em buni ’ba/ mo, dhala bas buni ta yinthoŋ gana/ e jis/em piti mo.
15Dhalki a’di di’d ki e ki sule/ sule/ mo. Dhalki ’dolkon gana/ jin ta gi Pan Shaba c̱inu a’di mo. Dhalki mon’tho minu ṯikir ’tho gom a’di ki ṯikir ṯikir mo dhali mom’bor mii minu ’tho gom a’di ka tee ’baar mo.
16Dhalki emen tonṯe/ ishin ka enthus e bampa/ mo, ap̱owa ris ’kuwosha turga/ mo me’d jin yiḵinkina ’tham uni is mo. Dhalki maman cwam piti wana e ki ji gi Pan Lubnaan mo dhali dhalki ’kwani ’tu’dina ’tu’d mo ’peni aris ’peŋkuman bampa/ mo me’da sho gi bwam bunto mo.
17Dhalki gway piti ’dim ’kup̱ ki sule/ sule/ mo. Dhalki yir piti di’d ki sule/ sule/ me’da tente/ mo. Dhalki ’kwani ’bori is buni mii ki a’di mo, dhali aris kal gi ’kwaniny’cesh yuḵi a’di mo ki a’di jin ’boru mii mo.
18Mom’bor mii midi di gom Tap̱a mo a’di jin ta’da Arumgimis gom ’Kwani ma Israyiil mo, A’din ’deŋ gana/ imii’da dhan to gi momer mo.

Read GWAY GI IDAWUU’D 72GWAY GI IDAWUU’D 72
Compare GWAY GI IDAWUU’D 72:7-18GWAY GI IDAWUU’D 72:7-18


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!