GWAY GI IDAWUU’D 62:3-8

³Um mini daḵ mo kakasja mmo’ko ap̱o/ ’kwani mo mmo’ce’d uni bwa mo, aris umi ’baar mo, kun wana e ka goŋ kun ishki gal mo, agoŋ jin dar gi mo jin kar shoka ’cesh mo?

⁴Uni i’kona gwo ibwa mo mmoyap̱ a’di ki sho’k ’pena ris ’kup̱ piti mo. Uni ’kunykina bwa ki ’kuny gom gwon thus mo. Uni ’borki ’twam buni mii mo, dhali hili e bwaman ma dum buni mo tani uni jeekina jee mo. Doshi ma dhali ’cunycuri yan mo.

⁵Goma Arumgimis a’di ’de/ mo tani a’di ic̱or ma ḵashiram pem ki shwamm mo. Haali/ mo ma ’teŋ kap̱em pem mo tani a’di ’peni a’di mo be.

⁶A’din ’deŋ gana/ ita wosh pem mo dhali bway gi mowoṯẖ pem mo dhali acur pem jin ṯenu gwo mo. Aha/ minu mol yiḵin is mo be.

⁷Eya Arumgimis mo tani mom pem jin sika/ is gom mony’cuḵ mo dhali montaḵ mo tani ’kon e a’dim pem jin ta wosh jin eḵa/ eḵ mo, dhali a’dim pem jin hurga/ jwa mo tani a’di ita’da Arumgimis mo be.

⁸Gami gwo is e a’di ka tee i’baar mo, ayy ’kwani. Woli adum bum ibwambori a’di mo. Haali/ Arumgimis ta a’di jin mina ana hur jwa icine/ mo. Doshi ma dhali ’cunycuri yan mo.