GWAY GI IDAWUU’D 56:3-9

³Ki aha/ ḵo/kina is mo tani aha/ karkina moŋgam gwo is pem e /e mo be.

⁴Eya Arumgimis mo, a’di jin maŋka/ gwom piti mo, eya Arumgimis mo tani aha/ gama gwo is ki dar gi moŋḵo/ is mo. Buŋgwar is midi miiya tinta ki aha/ mo?

⁵Yula tente/ mo tani uni simmki mii e mo mmotaḵ aha/ jama/ gom tom pem jin raḵki aha/ mo. Aris gwom buni ’baar mo kun kulumkina uni ibwa ap̱o/ aha/ mo tani uni ta thus ki thus mo.

⁶Uni ’tuntulki is buni imonṯal ’de/ mo, dhali uni wup̱kina ’cesh mo. Uni c̱orki ŋaṯgin pem mo. Me’d jin c̱orkina uni mondiki/em pem mo,

⁷wakan raḵi uni to ibway mo gom tonthus buni mo kun miikina uni mo, ka nyor pini mo tani Arumgimisa, ṯaki ’kwani gwan ka ’cesh mo, ayy.

⁸/E deŋki yam pem jin wuŋkulkika/ e mo. Ṯe’di jabu’th em pem eya gasaas pini mo. ’Kona uni ki ’ko eya warkam pini mowa?

⁹Dhali yan’ko’d mo tani uni kun ta ’kup̱ ki aha/ mo tani minu ṯu’k ka nyaŋ’ko’d mo ka tee jin miga/ yuḵa yuḵ mo. Dhali aha/ misha ka jiŋ gana/ ka Arumgimis ta a’di gom aha/ mo be.