GWAY GI IDAWUU’D 52:5-8

⁵Hili Arumgimis midi ’ce’d /e bwa ka ’cesh ki sule/ mo. A’di midi bor /e mo dhali dher /e bwa mo ’peni gu’b burrinyem pini mo. Dhali /e minu yu’d mo ’peni mo jin ’kona ’kwani mo. Doshi ma dhali ’cunycuri yan mo.

⁶Uniŋ ḵar/e mini p̱ar e mo dhali ḵo/ is mo dhali p̱e’th a’di mo mmo/o gwo mo ki:

⁷Hili wathi/ yan jin ’tena bwa mmokara Arumgimis ki a’dim piti jin hura a’di jwa icine/ mo, hili a’di ki gam gwo is e tom piti jin ishin ka enthus jin tana a’di pa ki pa mo, dhali a’di ki ŋap̱ mo jin huru jwa e ’penkap̱an piti jin tana a’di mo.

⁸Hili aha/ wana e ki cwa seṯuun jin c̱a’bki go’d go’d e gu’b ma Arumgimis mo. Aha/ gamkina gwo is e mo/en ma Arumgimis jin ṯelu sho’k ki sule/ ki sule/ mo.